Tymor y Gwanwyn 2010

Yn y gwersi Daearyddiaeth, rydym wedi bod yn astudio Gwlad yr Ia. Hyd yma, rydym wedi bod yn dysgu ffeithiau cyffredinol am y wlad a byddwn yn parhau i ymchwilio ymhellach yn ystod yr wythnosau nesaf. Bum yn edrych ar waith celf o'r wlad, oedd wedi ein hysbrydoli i greu teils clai ein hunain. Roeddem wedi mwynhau siapio a pheintio'r teils hyn. Cadwch lygaid isod ar gyfer lluniau o'n teils gorffenedig.

Yn y gwersi Gwyddoniaeth, rydym yn mynd i fod yn astudio 'Gwastraff'.

Tymor yr Hydref 2009

Yn y gwersi Hanes, rydym wedi bod yn astudio cyfnod y Tuduriaid. Rydym wedi bod yn edrych ar bobl a digwyddiadau pwysig y cyfnod. Yn ogystal a hyn, rydym wedi bod yn edrych ar ffordd o fyw y bobl.

Yn y gwersi Gwyddoniaeth, rydym wedi bod yn astudio grymoedd a thrydan. Bum yn trafod sut oedd gwahanol bethau'n symud a pha rymoedd oedd yn effeithio arnynt. Wrth gwblhau gwaith ar drydan, bum yn adeiladu cerbydau mewn grwpiau. Roedd y cerbydau hyn wedi eu hadeiladu o bren a chardfwrdd, ond roedd rhai yn cynnwys batris a bylbiau er mwyn rhoi golau i flaen y ceir. Roedd y gwaith yn hwyl a gwnaeth pawb fwynhau gweithio efo'i gilydd.